"Aлавес" бош мураббийи Луис Гарсия "Барселона" вингери Ламин Ямалнинг ўйинига юқори баҳо берди.
16 ёшли футболчи гол урмади, аммо "кўк-анорранглилар"нинг сафарда “Aлавес” устидан ғалаба қозонишига ёрдам берди (3:1).
“Ламин Ямал ниҳоятда яхши. Бу футболчи бир даврни белгилайди, дейиш керакми, билмайман, лекин у жуда яхши.
У рақибларни осонгина ортда қолдиришга қодир", - дея Луис Гарсиянинг сўзларидан иқтибос келтиради Barca Universal.
Ламин Ямал жорий мавсумда “Барселона” сафида 32 та ўйинда майдонга тушиб, 3 та гол ва 5 та голли узатмага муаллифлик қилган.
