Бугун, 4 февраль куни Англия премьер-лигасининг 23-туридан ўрин олган ўйинда “Челси” ҳамда “Вулверхэмптон” жамоалари тўқнаш келишди. “Челси” 2:4 ҳисобида имкониятни бой берди.
Учрашув бошида, 19 дақиқада Коуль Палмер ҳисобни очди ва “Челси”ни олдинга олиб чиқди. Кўп ўтмай, 22 дақиқада Матеу Кунья ҳисобни тенглаштирди. Биринчи бўлим якунида, 43 дақиқада Аксель Дисаси автогол муаллифига айланди ва бунинг эвазига “Вулверхэмптон” олдинга чиқиб олди.
Иккинчи бўлимда, 63 дақиқада Кунья дубл қайд этиб, “бўрилар”нинг фарқини икки баробарга оширди. 82 дақиқада Кунья пенальтини голга айлантириб, хет-трик қайд этди. Кўп ўтмай, 86-дақиқада Тьяго Силва Михаил Мудрикнинг узатмасидан битта гол уриб, ўйиндаги якуний ҳисобни ўрнатди – 4:2.
Ушбу ўйин натижасидан сўнг "Челси" 2023/2024 йилги мавсум учун Англия Премьер-лигаси турнир жадвалида 11-ўринга тушиб кетди. Жамоа 23 учрашувда 31 очко жамғарган. “Вулверхэмптон” 32 очко жамғариб, 10-ўринга кўтарилиб олди.
