Bugun, 4 fevral kuni Angliya premyer-ligasining 23-turidan o‘rin olgan o‘yinda “Chelsi” hamda “Vulverxempton” jamoalari to‘qnash kelishdi. “Chelsi” 2:4 hisobida imkoniyatni boy berdi.
Uchrashuv boshida, 19 daqiqada Koul Palmer hisobni ochdi va “Chelsi”ni oldinga olib chiqdi. Ko‘p o‘tmay, 22 daqiqada Mateu Kunya hisobni tenglashtirdi. Birinchi bo‘lim yakunida, 43 daqiqada Aksel Disasi avtogol muallifiga aylandi va buning evaziga “Vulverxempton” oldinga chiqib oldi.
Ikkinchi bo‘limda, 63 daqiqada Kunya dubl qayd etib, “bo‘rilar”ning farqini ikki barobarga oshirdi. 82 daqiqada Kunya penaltini golga aylantirib, xet-trik qayd etdi. Ko‘p o‘tmay, 86-daqiqada Tyago Silva Mixail Mudrikning uzatmasidan bitta gol urib, o‘yindagi yakuniy hisobni o‘rnatdi – 4:2.
Ushbu o‘yin natijasidan so‘ng "Chelsi" 2023/2024 yilgi mavsum uchun Angliya Premyer-ligasi turnir jadvalida 11-o‘ringa tushib ketdi. Jamoa 23 uchrashuvda 31 ochko jamg‘argan. “Vulverxempton” 32 ochko jamg‘arib, 10-o‘ringa ko‘tarilib oldi.
