"Реал Мадрид" клубининг "Реал ТВ" телеканали дербида Жуд Беллингем билан бўлган эпизод ҳақида фикр билдирди.
Мадриднинг "Реал" клуби Ла Лиганинг 23-тури доирасида "Атлетико" билан дуранг ўйнади (1:1).
60-дақиқада "қаймоқранглилар" ярим ҳимоячиси ҳимоячи Стефан Савич билан ўтказилган дуэлдан сўнг рақиб жарима майдончасида йиқилиб тушди. Хосе Мария Санчес Мартинес бошчилигидаги ҳакамлар бригадаси ушбу эпизодда пенальти белгиламади.
"Айтишга ҳожат йўқ, пенальти белгиланмагани жуда ачинарли. Савич тўпга эътибор бермай, олдинга ҳаракат қилолмаслиги учун тирсагини Беллингемнинг орқасига қўяди", деди видео муаллифи.
"Реал ТВ" Беллингем билан боғлиқ яна бир эпизодга ҳам изоҳ берди - бурчак тўпи ўйинга киритилаётганида Маркос Льоренте унга зарба берган.
"Улар қучоқлашишди дейиш одамларни аҳмоқ деб қабул қилишдир, биз эса аҳмоқ эмасмиз. Иккита пенальти бор эди, бироқ ҳакамлар бирортасини ҳам белгиламади. Жуд Испания лигаси нима эканлигини тушуна бошлади" - дейилади видеода.
"Реа ТВ": Уч соатлик "Узуклар ҳукмдори" фильм трилогияси бор. Биз "Атлетико"га қарши дерби ҳакамлари ҳақида трилогия яратишимиз мумкин, улар ҳар доим "матрасчилар" томонида бўлди".
Собиқ ҳакам Итурральде Савич ва Беллингем ўртасидаги жанг туфайли юзага келиши мумкин бўлган пенальти ҳақида: Ҳакам пенальти белгилаш учун контакт етарли эмас деб қарор қилди.
