"Барселона" спорт директори Деку футболдаги трансфер бозоридаги рақобатдаги ўзгаришлар ҳақида гапирди.
"Барселона" 20 йил олдин трансфер бозорига кирганида, унинг ягона рақобатчилари "Реал", "Манчестер Юнайтед" ва бошқа бир қанча жамоалар эди. Эндиликда барча Премьер-лига клубларида катта шартномалар имзолаш имконияти бор. "ПСЖ" ва "Манчестер Сити" ҳам бор, улар ўша пайтда ҳозиргидек кучли эмас эди. Футболчиларнинг имкониятлари кўп, аммо "Барселона" ҳали ҳам ўйинчиларни жалб қилиш учун кучга эга ва биз муҳим ўйинчиларни олиб кела оламиз", — деди Деку La Vanguardia билан суҳбатда.
"Барселона" айни дамда Испания Ла Лигаси турнир жадвалида 3-ўринни эгаллаб турибди. Хави шогирдлари 23 турда 50 очко тўплашди. Турнирнинг навбатдаги учрашувида "кўк-анорранглилар" ўз майдонида “Гранада” билан куч синашади.
