Спорт арбитраж суди (CAS) 22-март куни “Барселона”нинг “Зенит”га қарши даъвоси бўйича суд мажлисини ўтказади, деб хабар бермоқда CAS матбуот хизмати.
Сентябрь ойида ФИФА каталонияликларнинг Санкт-Петербург клубига 2019 йилда бразилиялик футболчи "Зенит"га ўтганида шартномада кўрсатилган бонуслар бўйича даъволарини рад этган эди. Ўшанда "Барселона" шартномага "кўк-оқ-кўклар" 2022/23 йилги мавсумда Чемпионлар лигасида ўйнаган тақдирда унга бонус тўлаши шартлиги ҳақидаги бандни киритди. Санкт-Петербург жамоаси 2021/22 йилги мавсумда РПЛ чемпиони бўлиш орқали бу ҳуқуқни қўлга киритди, бироқ 2022 йил март ойида Украинадаги вазият туфайли Россия клублари фаолиятини тўхтатиб қўйгани сабабли улар турнирда иштирок эта олмадилар. Шунга қарамай, "Барселона" ҳали ҳам "Зенит" белгиланган бонусни тўлаши шарт деб ҳисоблайди.
Малком Россия клубига 2019 йилнинг августида 41,5 миллион евро эвазига ўтган эди. “Зенит” сафида форвард 109 та ўйин ўтказиб, 42 та гол урди ва 24 та голли узатмани амалга оширди. 2023 йилнинг ёзида петербургликлар бразилияликни "Ал-Ҳилол"га 60 миллион еврога сотишган.
