"Аталанта" ҳужумчиси Луис Муриэль фаолиятини "Орландо" сафида давом эттиради.
Америка клуби 32 ёшли колумбиялик футболчининг трансфери бўйича музокараларнинг сўнгги босқичида.
Муриэль "Аталанта"да 2019 йилнинг июлидан буён ўйнамоқда. 2023/24 йилги мавсумда форвард жамоаси сафида барча мусобақаларда 25 та ўйинда майдонга тушиб, 6 та гол урди ва 1 та голли узатмани амалга оширди.
Transfermarkt.com портали футболчининг нархини 3,5 миллион еврога баҳолаган.