Римнинг “Рома” клуби сафидаги ўйинлари билан танилган грециялик ҳимоячи Константинос Манолас тез орада Италия чемпионатига қайтади. Фабрицио Романонинг ижтимоий тармоқлар орқали хабар беришича, "Салернитана" 32 ёшли футболчининг хизматларига қизиқмоқда.
Манолас ҳозирда эркин агент ҳисобланади. Унинг охирги клуби "Шаржа" эди. Бунгача грек “Олимпиакос”, “Наполи”, “Рома”, АЕК ва “Трасивоулос” клубларида тўп тепган.
Transfermarkt портали экспертлари Константиноснинг бозор қийматини 2,5 миллион еврога баҳоламоқда.