Rimning “Roma” klubi safidagi o‘yinlari bilan tanilgan gresiyalik himoyachi Konstantinos Manolas tez orada Italiya chempionatiga qaytadi. Fabrisio Romanoning ijtimoiy tarmoqlar orqali xabar berishicha, "Salernitana" 32 yoshli futbolchining xizmatlariga qiziqmoqda.
Manolas hozirda erkin agent hisoblanadi. Uning oxirgi klubi "Sharja" edi. Bungacha grek “Olimpiakos”, “Napoli”, “Roma”, AYEK va “Trasivoulos” klublarida to‘p tepgan.
Transfermarkt portali ekspertlari Konstantinosning bozor qiymatini 2,5 million yevroga baholamoqda.