"Барселона" спорт директори Деку "Рома"нинг собиқ устози Жозе Моуриньонинг Каталония жамоаси бош мураббийи лавозимига тайинланиши мумкинлиги ҳақида гапирди. Португалиялик функционер "Болонья" устози Тьяго Моттани ҳам тилга олди.
"Моуриньо "Барселона"га келадими? Жозе менинг дўстим, лекин биз анчадан бери гаплашмадик. Тьяго Мотта? Мен "Болонья" ўйинларини кўп кўрмадим, чунки биз доимо сафарлар билан бандмиз, мен бошқа жамоаларни кузатиб бораман. У ажойиб натижаларга эришди, бироқ орамизда ҳеч қандай алоқа йўқ", - дея Деку сўзларини келтиради журналист Фабрицио Романо.
