Хави Эрнандес мавсум охирида жамоани тарк этишини эълон қилганидан кейин "Барселона" янги мураббий излашда давом этмоқда. "Sport" хабарига кўра, клубнинг молиявий муаммоларига қарамай, кўплаб топ-мураббийлар "Камп Ноу"га ишга жойлашишни хоҳлашади.
Эслатиб ўтамиз, "Барселона" аввалроқ кўплаб мутахассислар билан боғланган. Хави ўрнига асосий номзодлардан бири - қониқарсиз натижалар учун кузнинг бошида Германия терма жамоасидан ҳайдалган Ханс-Дитер Флик. Немис мутахассиси бунгача “Бавария”ни бошқарган ва 2020 йилда клуб билан Чемпионлар лигасида ғолиб чиққан.
Микель Артета, Юрген Клопп ва Мичел каби мураббийлар ҳам аввалроқ "Барселона" билан боғланган эди.
