"Челси" бош мураббийи Маурисио Почеттино ярим ҳимоячи Энцо Фернандеснинг "Aстон Вилла"га қарши ўйинда жарима зарбасидан урган голини нишонлагани ҳақида фикр билдирди.
Эслатиб ўтамиз, аргентиналик футболчи футболкасини ечиб, “Челси”ни тарк этмоқчи эмаслигини имо-ишоралари орқали очиқлаб берган эди.
Энцонинг голи “кўклар”га 3:1 ҳисобида ғалаба қозониб, Aнглия кубогининг 1/8 финалига йўл олишга ёрдам берди.
“Тушунишингиз керакки, жамоа футбол ўйнайди ва ўта адолатсиз вазиятлар туфайли ғазабланди. Энцо нима учун "Челси"да ўйнашини кўрсатди", - деди Почеттино ўйиндан кейинги матбуот анжуманида.
