Машҳур мураббий Жозе Моуриньо “Рома”дан Даниэле де Росси ва Франческо Тоттини қандай ўз сафига жалб қилмоқчи бўлганлигини айтди.
Эслатиб ўтамиз, португалиялик яқинда Рим клубидан ҳайдалган ва унинг ўрнига айнан де Росси тайинланган эди.
"Рома"даги мураббийлар алмашинувидан сал олдин олинган интервьюда Моуриньо ўз жамоаларида ўтмишда де Россини олишни хоҳлаганини тан олди.
"Мен де Россини "Интер" ва "Реал Мадрид"га олмоқчи эдим, аммо ўша пайтда бунинг иложи йўқ эди, - деди "Special One" ва яна бир "Рома" афсонасига бўлган қизиқишини ҳам эслади: "Бундан ташқари, мен Тоттини ўша пайтдаги ёшига қарамай "Интер"га таклиф қилмоқчи эдим, лекин бу ҳам имконсиз эди.
