"Реал" бош мураббийи Карло Анчелотти "Жирона"нинг чап қанот ҳимоячисини ўз жамоасида кўришни истайди. Гап "Қироллик клуби" тарбияланувчиси бўлган Мигель Гутьеррес ҳақида кетмоқда.
Журналист Марио Кортехананинг хабарига кўра, Анчелотти "Реал Мадрид" раҳбариятини Гутьерресни қайтаришга чақирмоқда. Италиялик мутахассис 22 ёшли ҳимоячи келаси мавсумда "Лос-Бланкос" таркибини кучайтира олишига ишонмоқда. "Реал Мадрид" биринчи навбатда Гутьерресни қайтариб сотиб олиш ҳуқуқига эга.
Transfermarkt портали испаниялик футболчининг бозор нархини 20 миллион еврога баҳоламоқда. Ла Лиганинг ушбу мавсумида ўйинида Мигель битта гол ва учта голли узатмани амалга оширди.