"Брентфорд" ҳужумчиси Айван Тони ёзги трансфер ойнасида клубини ўзгартиришга яқин турибди. Бу ҳақда Teamtalk нашри хабар бермоқда.
Манбага кўра, футболчига асосий даъвогар "Манчестер Юнайтед" ҳисобланади. Ҳозирча "қизил иблислар"нинг ҳужумчи учун курашда жиддий рақиблари йўқ. "Арсенал" Айванни ҳаддан ташқари қиммат деб ҳисоблайди, "Челси" эса бор кучини Виктор Осимхен трансферига қаратмоқда.
Тони яқинда пул тикиш учун дисквалификация қилинганидан кейин майдонга қайтди. Англия Премьер-лигасининг жорий мавсумида ҳужумчи учта ўйин ўтказиб, иккита гол урди.
