"Барселона" бош мураббийи Хави Эрнандес январь ойида "Тоттенхэм" футболчиси ярим ҳимоячи Жовани ло Чельсони ўз жамоасига ўтишини истаганди.

Sport нашри хабарига кўра, "кўк-анорранглилар" спорт директори Деку аргентиналик футболчининг номзодини рад этган, чунки у жамоада жисмонан кучлироқ ярим ҳимоячини кўришни хоҳлаган.

Эслатиб ўтамиз, кузда "Барселона" ярим ҳимоячиси Гави тиззасидан жароҳат олиб, мавсум охиригача сафдан чиққан эди. Шу боисдан ҳам "кўк-анорранглилар" январь ойида янги ярим ҳимоячи сотиб олмоқчи эди, бироқ керакли футболчини таклиф қилишнинг иложи бўлмади.