Мюнхеннинг “Бавария” клуби ҳимоячиси Альфонсо Дэвис ёзги трансфер ойнасида клубини алмаштириши мумкин. Миш-мишлар футболчини узоқ вақтдан бери "Реал Мадрид" билан боғлаб келган, аммо 23 ёшли канадаликнинг олдида бошқа жозибали вариантлари бор.
HITS хабарига кўра, Англиянинг "Манчестер Сити" ва "Ливерпуль" клублари Дэвисни ўз сафларида кўрмоқчи. Премьер-лига гигантларии Дэвисни қўлга киритиш учун курашда "Реал" билан рақобатлашади.
Эслатиб ўтамиз, Альфонсо Дэвиснинг "Бавария" билан амалдаги шартномаси 2025 йилнинг ўрталарига қадар амал қилади. Шу тариқа футболчини келаси ёзда ҳамёнбоп нархда трансфер қилиш мумкин бўлади. Эслатиб ўтамиз, Transfermarkt портали футболчини 70 миллион еврога баҳоламоқда.
