"Астон Вилла" бош мураббийи Унаи Эмери АПЛ доирасида "Манчестер Юнайтед"га қарши ўйин олдидан фикр билдирди.

"Тен Хаг бу ўйин финалга ўхшайди, дедими? Асосий мақсадимиз АПЛдаги барқарорлик. Биз доимо муваффақиятга эришишга интиламиз. Албатта, ҳар бир ўйин ўзгача. Якшанба кунги ўйин жуда муҳим. "Манчестер Юнайтед"га қарши ўйин олти очколик ўйин", - деди Эмери матбуот анжуманида.

Ҳозирда "Астон Вилла" АПЛ турнир жадвалида 4-ўринда (46 очко), "Манчестер Юнайтед" эса олтинчи ўринда (38 очко). "Астон Вилла" - "Манчестер Юнайтед" учрашуви 11 февраль куни Тошкент вақти билан соат 21:30да бошланади.