"Челси" бош мураббийи Маурисио Почеттино "Кристал Пэлас"га қарши дербидан олдин журналистлар билан суҳбатлашди. Аргентиналик мутахассис жамоадаги кадрлар ҳолатига тўхталиб ўтди.

"Биз Бадьяшилянинг аҳволини ҳал қилишимиз керак, экспертиза натижаларини кутишимиз керак. Умид қиламанки, бу катта муаммо эмас, лекин биз ҳали билмаймиз. Колвиллга келсак, у ўйнай оладими ёки йўқми, якшанбагача кутишимиз керак. Чалоба ўзини яхши ҳис қилмоқда ва жамоа билан машғулот ўтказмоқда. Қолган жароҳатлар ҳақида ҳозирча маълумот йўқ", - деди Почеттино матбуот анжуманида.

"Челси" 12 февраль, душанба куни "Кристал Пэлас"га қарши баҳс олиб боради.