"Ювентус" ҳужумчиси Душан Влахович сотувга қўйилиши мумкин. Ҳар икки томон ҳам ҳамкорликни давом эттиришдан манфаатдор, бироқ молиявий масаладаги келишмовчиликлар ҳалигача бартараф этилмаган.
Aнглия премьер-лигасининг 24 ёшли футболчисига қизиқиш сақланиб қолмоқда, шунинг учун унинг агенти "Ювентус"га рози бўлишга шошилмаяпти.
TMW хабарига кўра, агар маошини камайтиришга рози бўлмаса, клуб сербиялик футболчини шу ёзда сотувга қўйиши мумкин.
Душан Влаховичнинг "Ювентус" билан амалдаги шартномаси 2026 йилгача мўлжалланган. Transfermarkt портали маълумотларига кўра, форварднинг нархи 60 миллион еврони ташкил қилади.
