Бугун Тошкентдаги ўқув-машғулотларини якунлаб ортга қайтган Самарқанднинг «Динамо» клуби таркиби ўтган йилга нисбатан ўзгарган.

«Шўртан» га қарши бўлиб ўтган Тошкентдаги сўнги назорат учрашувида самарқандликлар 0:4 ҳисобида имкониятни бой бериб қўйди. Ўша учрашувда таркиб қуйидагича кўриш олганди.
«Динамо»: Андрей Мельничук, Акмал Холмуродов, Александр Клецков, Аҳрол Рисқуллаев, Акмал Бозоров, Абдулла Набиев, Владимир Клиневич, Руслан Бидненко, Юнус Суюнов, Тўлқин Мирзаев, Сардорали Атоев.
Захирадан тушганлар: Игорь Михайлов, Азамат Бобожонов, Сирож Сайфиев.

Самарқанд вилоят футбол федерацияси сайтининг маълум қилишича, «Динамо» сафига янги келиб қўшилган футболчи Владимир Калиневич ҳақида ҳозирча ҳеч қандай маълумот йўқ.

Ундан ташқари бугун таркибда ҳаракат қилган ҳужумчи Сардорали Атоев ўтган йили мавсумни ҳеч бир жамоада ўтказмаган ва ундан олдинги йили «Шуртан» таркибига ёзилган бироқ битта ҳам ўйинда майдонга тушмаган. 30 ёшли ҳужумчи «Динамо» сафида бошлаши мумкин. Негаки ҳозирги таркибда ҳужум чизиғида ҳаракат қилувчи тажрибали футболчи мавжуд эмас. Рўзимбой Аҳмедов ва Иван Нагаевнинг жамоадан кетиши ўрнига мураббийлар Тўлқин Мирзаев ва Юнус Суюновни таркибга жалб этган. Бу ҳужумчи эса жамоада қолишга яқин.

Дарвозабон Игоръ Михайлов яна жамоага қайтди. «Навбаҳор» кўригида бўлиб қайтган дарвозабон яна ушбу мавсумни «Динамо» да иккинчи дарвозабон сифатида давом эттирадиган кўринади. «Қизилқум» таркибидан Азамат Бобожонов келиб қўшилди. Унда ташқари Тўлқин Мирзаев ҳам самарқандликлар таркибда бўлиб турибди.

Легионерлардан дарвозабон Мелъничук ва украиналик легионер Руслан Бидненколар таркибда. Ундан ташқари таркибда Омад Тайлоқлов, Комил Шарофитинов, Бобур Насимов, Максим Калядин каби маҳаллий ўйинчилар ҳам ўрин олган.

«Динамо» клуби ушбу йиғиндан сўнг жамоага уч кунлик таътил эълон қилди ва жамоа аъзолари 18 февралдан бошлаб сўнги тайёргарликни Самарқандда ўтказади.