"Жирона"нинг чап қанот ҳимоячиси Мигель Гутьеррес яқин келажакда "Реал"га қайтишни истайди. Журналист Маттео Мореттонинг ёзишича, 22 ёшли испаниялик футболчи “Сантьяго Бернабеу”га қайтишни орзу қилади.
Хабарларга кўра, Гутьеррес бошқа топ-клублар томонидан нишонга олинган. Олдинроқ испаниялик футболчини Мюнхеннинг "Бавария"си ўз сафига қўшиб олиш ниятида эди. Бироқ, Мигель "Реал"га ўтмоқчи.
Эслатиб ўтамиз, Гутьеррес бугун оқшом "Жирона" таркибида "Сантьяго Бернабеу"да "Реал"га қарши баҳс олиб боради. Агар каталонияликлар рақибларини мағлуб этишса, жамоа яна биринчи ўринга қайтади.