Англия Премьер-лигасининг 24-тур ўйинларини очиб берган баҳсда "Манчестер Сити" "Эвертон" билан тўқнаш келди. Баҳс "Этиҳад" стадионида бўлиб ўтди.

Ўйиннинг биринчи бўлимида ҳисоб очилмади - 0:0.

Учрашув тизгинини ўзгартириш мақсадида Гвардиола иккинчи бўлим бошида Кевин Де Брюйне ва Кайл Уокерни майдонга ташлади. Ўзгаришлардан сўнг "шаҳарликлар" ҳужуми анча фаоллашди. 71-дақиқага келиб бурчакдан узатиб берилган тўп пала-партишликлардан сўнг Холандга бориб тушди, норвегиялик форвард эса кучли зарбаси билан ўйинда ҳисобни очди. 85-дақиқада яна ўша Эрлинг орадаги фарқни иккитага оширди. Бу сафар тезкор қарши ҳужум натижасида Холанд Де Брюйненинг суперузатмасидан унумли фойдаланиб фарқни катталаштирди. Ўйин якунига қадар бошқа ҳисоб ўзгармади - 2:0.

Манчестер Сити – Эвертон 2:0
10 февраль, 17.30, «Этиҳад Стэдиум»
Голлар: 1:0 – 71 Холанд, 2:0 – 85 Холанд.
Манчестер Сити – Эдерсон, Стоунз, Аке, Рубен Диаш, Аканджи (Уокер, 57), Фоден, Родри, Матеуш Нунеш (де Брюйне, 57), Холанд, Альварес (Бернарду Силва, 77), Доку (Грилиш, 87).
Эвертон – Пикфорд, Годфри (Коулмэн, 56), Тарковски, Брэнтуэйт, Миколенко, Янг (Онана, 78), Гуйе (Шермити, 89), Харрисон, Гарнер, Макнил (Доббин, 88), Кэлверт-Льюин (Бету, 77).
Огоҳлантиришлар: Гуйе (54), Гарнер (90).