Angliya Premyer-ligasining 24-tur o‘yinlarini ochib bergan bahsda "Manchester Siti" "Everton" bilan to‘qnash keldi. Bahs "Etihad" stadionida bo‘lib o‘tdi.
O‘yinning birinchi bo‘limida hisob ochilmadi - 0:0.
Uchrashuv tizginini o‘zgartirish maqsadida Gvardiola ikkinchi bo‘lim boshida Kevin De Bryuyne va Kayl Uokerni maydonga tashladi. O‘zgarishlardan so‘ng "shaharliklar" hujumi ancha faollashdi. 71-daqiqaga kelib burchakdan uzatib berilgan to‘p pala-partishliklardan so‘ng Xolandga borib tushdi, norvegiyalik forvard esa kuchli zarbasi bilan o‘yinda hisobni ochdi. 85-daqiqada yana o‘sha Erling oradagi farqni ikkitaga oshirdi. Bu safar tezkor qarshi hujum natijasida Xoland De Bryuynening superuzatmasidan unumli foydalanib farqni kattalashtirdi. O‘yin yakuniga qadar boshqa hisob o‘zgarmadi - 2:0.
Manchester Siti – Everton 2:0
10 fevral, 17.30, «Etihad Stedium»
Gollar: 1:0 – 71 Xoland, 2:0 – 85 Xoland.
Manchester Siti – Ederson, Stounz, Ake, Ruben Diash, Akandji (Uoker, 57), Foden, Rodri, Mateush Nunesh (de Bryuyne, 57), Xoland, Alvares (Bernardu Silva, 77), Doku (Grilish, 87).
Everton – Pikford, Godfri (Koulmen, 56), Tarkovski, Brentueyt, Mikolenko, Yang (Onana, 78), Guye (Shermiti, 89), Xarrison, Garner, Maknil (Dobbin, 88), Kelvert-Lyuin (Betu, 77).
Ogohlantirishlar: Guye (54), Garner (90).
