"Интер" кетма-кет 7 та ғалабага эришди.
Симоне Индзаги шогирдлари А сериянинг 24-турида “Рома”ни меҳмонда (4:2) мағлуб этишди.
Миланликлар 6 январдан бери чемпионат ва Италия Суперкубоги доирасидаги барча ўйинларда ғалаба қозонишди.
"Нерадзуррилар" чемпионатдаги мағлубиятсиз сериясини ҳам 17 ўйинга етказишга муваффақ бўлишди. Бу сентябрь ойининг охирида бошланган.
“Интер” 23 турдан кейин 60 очко билан турнир жадвалида пешқадамлик қилмоқда. Кейинги ўринда 53 очко билан "Ювентус" бормоқда.