"Реал" ҳимоядаги муаммоларга қарамай, "Жирона"га бир марта бўлса ҳам аниқ зарба беришга имкон бермади.
Карло Анчелотти шогирдлари Ла Лиганинг 24-тури доирасида ўз майдонида рақибни 4:0 ҳисобида мағлуб этишди.
Бутун ўйин давомида меҳмонлар 5 марта зарба беришди, бироқ уларнинг ҳеч бири нишонга аниқ етиб бормади. "Реал" 16 марта зарба йўллаган бўлса, улардан 6 таси аниқ борди.
Қайд этиш керакки, таркибдаги муаммолар туфайли мадридликлар ҳимоя марказида ярим ҳимоячи Орельен Тчуамени ва ўнг қанот ҳимоячиси Даниэль Карвахаль ҳаракат қилишди.