Антонио Конте "Барселона"га ўз хизматларини таклиф қилмади.
6 февраль куни Хави "Барселона"ни тарк этиш қарорини эълон қилганидан сўнг, клубга Контени тайинлаш таклиф қилингани ҳақида маълумот пайдо бўлди. Аммо, журналист Фабрицио Романо ва Mundo Deportivo мураббийнинг атрофидагиларга таяниб хабар беришича, ундай бўлмаган.
Конте ўзини "Барселона"га таклиф қилганини ёки клуб спорт директори Деку ёки президенти Жоан Лапорта у билан алоқада бўлганини рад этади. Антонио ҳозирда "Барселона"нинг устувор вариантлари қаторида эмас.
Контенинг сўнгги иш жойи "Тоттенхэм" бўлиб, у 2023 йилнинг март ойида ишдан бўшатилган эди.
