Шанба куни “Реал” ўз майдонида “Жирона”ни 4:0 ҳисобида мағлуб этди ва Испания чемпионатида пешқадамлигини мустаҳкамлади.
Ярим ҳимоячи Жуд Беллингем жароҳат олди, аммо шу пайтгача у дубл қайд этишга муваффақ бўлди.
Шу куни чемпионшипда "Сандерленд" ўз майдонида "Плимут Аргил"ни 3:1 ҳисобида мағлуб этди. “Қора мушуклар”нинг голларидан бирини Жоб Беллингем киритди.
Жуд Беллингем ижтимоий тармоққа укаси Жобнинг голни нишонлаётган суратини жойлаштирди.
Тез орада тўпиғидаги жароҳатидан фориғ бўладиган "Реал Мадрид" ярим ҳимоячиси суратга "Дам олиш кунларини яхши ўтказ" деб ёзиб қолдирди.
