Бразилия терма жамоаси 2004 йилдан бери биринчи марта Олимпиада ўйинларида қатнашмайди.
Жанубий Америка саралаш турнири гуруҳ босқичининг 3-тури доирасидаги ўйинда Бразилия терма жамоаси Аргентина терма жамоасига 0:1 ҳисобида имкониятни бой бериб, Париждаги турнирга йўлланма олиш имкониятидан маҳрум бўлди.
Бразилияликлар 2016 ва 2020 йиллардаги сўнгги икки Олимпиадада ғолиб чиқишган. Умуман олганда, бразилияликлар ўз тарихларида Олимпиадада еттита медални қўлга киритишган - иккита олтин, учта кумуш ва иккита бронза.
Аргентина терма жамоаси ўз навбатида 2024 йилги Олимпиадада иштирок этишини кафолатлади.
