Мадриднинг “Реал” клуби марказий ҳимоячиси Начо Фернандес “РБ Лейпциг”га қарши бўлиб ўтадиган Чемпионлар лигасининг 2-чорак ўйинида жамоасига ёрдам беришга тайёр. Журналист Марио Кортехананинг хабар беришича, испаниялик бўлажак ўйинда иштирок этиши мумкин.
Аввалроқ, "Реал" бош мураббийи Карло Анчелотти "Жирона" билан ўйиндан сўнг ўтказилган матбуот анжуманида Начо машғулотларни қайта бошлаганини маълум қилганди. Испаниялик "оқ-қизиллар" билан ўйинни мушакларнинг ортиқча юки туфайли ўтказиб юборишга мажбур бўлди.
Эслатиб ўтамиз, мавсум якунида Фернандес эркин агентга айланиши мумкин, чунки футболчининг "қироллик клуби" билан шартномаси тугайди.
