Москванинг "Локомотив" клуби ярим ҳимоячиси Александр Самедов Sportbox.ru сайтига берган интервьсида клубни тарк этган Андрей Ешенконинг ўрнини боса оладиган футболчилар борлигини таъкидлаб ўтди.

— "Локомотив"ни яқинда Андрей Ешенко тарк этди. Демак, ҳимоя чизиғини кучайтириш масаласи мураббийларнинг эътиборида турибдими?
— Албатта, маълум муддат давомида клубда тўп суриб, унинг бир бўлагига айланиб қолган футболчининг кетиши ҳар доим муаммоларни келтириб чиқаради. Лекин биз вазиятни ўнглай оламиз, деб ўйлайман. Ахир жамоага Янбаев қайтди ва Виталий Денисов олинди.

— Денисов ҳозирча кенг омма учун топишмоқ бўлиб турибди. У ҳақида нима дея оласиз?
— Виталий — ҳақиқий қанот ҳимоячиси. Чап қанотда яхши ўйнайди. Шунингдек, у тўпни олиб қўйишда чайир эканини ва ютқазишни ёмон кўришини айтиб ўтишим мумкин. Инсон сифатида ҳам у яхши таассурот қолдирди ва жамоага тезда қўшилиб кетди.