"Челси" бош мураббийи Маурисио Почеттино ярим ҳимоячи Конор Галлахернинг АПЛнинг 24-турида "Кристал Пэлас"га (3:1) қарши ўйиндаги дубли ҳақида фикр билдирди.
“Менимча, у ҳар бир эпизодда бор кучини сарфлайдиган жамоага ўта фидойи футболчи. Жамоангизда шундай ўйинчи борлиги - бебаҳо.
Мен у учун жуда хурсандман, бу ғалаба бизга керак эди. У менга "Челси"да қолишни истаётганини айтди, аммо буни ўзи ва клуб ҳал қилишини айтди. Мен (унинг кетиши мумкинлигидан) хавотирда эмасман, унинг шартномасида яна бир йил бор ва бу унинг клуб билан муносабатларига боғлиқ", - дея Почеттинонинг сўзларини келтирган ESPN.
