"Барселона"нинг собиқ марказий ҳимоячиси Жереми Матье собиқ бош мураббийи Луис Энрике билан муносабатлари қандай ривожлангани ҳақида гапирди.

“Айтишим мумкинки, ҳаммаси ноаниқ эди. У менга яхши муносабатда бўлган мураббий эди, ҳатто шартномамни имзолаш борасида яширинча учрашдик. Бироқ, бу мураббий сиз билан кўп гаплашмайди ва сизга ортиқча ишонч билдирмайди.

Мен жуда кўп ўйнадим, шу жумладан муҳим ўйинларни ҳам, кейин захирада қолдим. Менга изчиллик керак эди. Мен буни тушунмадим. Аммо у менга нима учун бу содир бўлганини ҳеч қачон тушунтирмади. Балки вақти бўлмагандир, балки иш услуби бўлгандир. Якунда мен учун осон бўлмади", - дея Матё сўзларини келтиради beIN Sports.

Эслатиб ўтамиз, Матье 2014 йилдан 2017 йилгача "Барселона"да ўйнаган. Бу даврда у барча мусобақаларда 91 та учрашувда қатнашиб, 4 та гол ва 3 та голли узатмага муаллифлик қилган.