"Бавария" дарвозабони Мануэль Нойер жамоаси Бундеслигада "Байер"дан учралган мағлубиятни ҳали тўлиқ англаб етмаганини тан олди.
“Фармацевтлар” ўз майдонида мюнхенликларни 3:0 ҳисобида мағлуб этиб, Томас Тухель шогирдлари билан орадаги фарқни беш очкога етказди.
“Мағлубиятни ҳали тўлиқ англаганимиз йўқ, чунки бу жуда муҳим ўйин эди. Биз гаплашдик, таҳлил қилдик ва аниқ гапирдик.
Тез орада навбатдаги ўйин бўлиб ўтгани яхши. Биз Чемпионлар лигасининг кейинги босқичига чиқишни албатта истаймиз.
Мен Леверкузенда қилмаган ишимизни ўрнини тўлдиришни истайман", - деди Нойер матбуот анжуманида.
