"Bavariya" darvozaboni Manuel Noyer jamoasi Bundesligada "Bayer"dan uchralgan mag‘lubiyatni hali to‘liq anglab yetmaganini tan oldi.
“Farmasevtlar” o‘z maydonida myunxenliklarni 3:0 hisobida mag‘lub etib, Tomas Tuxel shogirdlari bilan oradagi farqni besh ochkoga yetkazdi.
“Mag‘lubiyatni hali to‘liq anglaganimiz yo‘q, chunki bu juda muhim o‘yin edi. Biz gaplashdik, tahlil qildik va aniq gapirdik.
Tez orada navbatdagi o‘yin bo‘lib o‘tgani yaxshi. Biz Chempionlar ligasining keyingi bosqichiga chiqishni albatta istaymiz.
Men Leverkuzenda qilmagan ishimizni o‘rnini to‘ldirishni istayman", - dedi Noyer matbuot anjumanida.
