Альфонсо Дэвис "Реал"га ўтишга рози бўлди.

Relevo хабарига кўра, Мадрид клуби "Бавария" ҳимоячиси билан оғзаки дастлабки келишувга эришган. Мюнхен клуби келишувни маъқуллаши ва футболчига нарх белгилаши керак.

Қайд этилишича, “Реал” кийим алмаштириш хонаси Дэвисни қўлга киритиш имкониятларига оптимистик назар билан қараса, “Лос-Бланкос” раҳбарияти эҳтиёткор ва Дэвис билан шартнома имзолаш осон бўлмаслигига ишонади.

Мадрид клубининг оптимизми Дэвиснинг шартномани узайтириш бўйича "Бавария"дан келган бир нечта таклифларни аллақачон рад этгани билан боғлиқ.

Дэвиснинг "Бавария" билан амалдаги шартномаси 2025 йилнинг ёзига қадар мўлжалланган.