Агар сценарий ёзиш керак бўлганда, масалан, Чемпионлар Лигаси финалида «Реал» ва ПСЖ ўйнаса. Килиан Мбаппе ниҳоят парижликларга ушбу совринни ютиб бериб, Мадридга йўл олса. Месси ва Неймар эмас, айнан Мбаппе ҳақиқий Париж ўйинчиси.

Европа Лигаси финали эса, «Байер» ва «Ливерпул». Хаби Алонсо балким янги жамоаси «Ливерпул»га ўтишдан олдин, ўша жамоа ва Клопп билан беллашиб кўрса.

Евро финалида эса, ким билан бўлсаям Англия финалда ўйнаб чемпион бўлсин. Ҳарри Кейн «Бавария»да ҳам ҳеч нарса юта олмай, кулгига қолган пайтда миллий жамоасини ниҳоят чемпион қилсин. Шундан бошласин.

Қалай?)

Айтганча, олимпиадада Аргентина чемпион бўлсин. Ёшлар орасига Месси қўшилиб, фаолиятини шу соврин билан бошлаган Месси шу билан тугатсин. Чиройли эртак бўлади.

Албатта, олимпиадани энг нуфузли мусобақа сифатида биламиз, «Олтин тўп» ва «The Best»ниям ким олиши маълум. :)