"Манчестер Сити" бош мураббийи Пеп Гвардиола АПЛнинг 25-тури доирасида "Челси" билан ўйин арафасида "шаҳарликлар"нинг собиқ ярим ҳимоячиси, ҳозирда лондонликлар сафида ўйнаётган Коул Палмер ҳақида фикр билдирди.
21 ёшли Палмер "Челси"нинг жорий мавсумдаги энг яхши тўпурари ҳисобланади. У Премьер-лиганинг 21 учрашувида 10 та гол ва 6 та голли узатмани амалга оширган.
"Мен Палмер майдонда мунтазам ўйин кўрсатишини билардим. Мен унинг маҳоратига шубҳа қилмасдим. Бу юлдуз футболчи. Унга ўйин амалиёти керак эди. У ўзининг ақл бовар қилмайдиган фазилатларини кўрсатиши фақат вақт масаласи эди.
Коул Палмер - ажойиб футболчи ва ажойиб йигит. Албатта, унга "Челси"да энг яхши тилакларимни тилайман", - деди Гвардиола матбуот анжуманида.
