"Manchester Siti" bosh murabbiyi Pep Gvardiola APLning 25-turi doirasida "Chelsi" bilan o‘yin arafasida "shaharliklar"ning sobiq yarim himoyachisi, hozirda londonliklar safida o‘ynayotgan Koul Palmer haqida fikr bildirdi.

21 yoshli Palmer "Chelsi"ning joriy mavsumdagi eng yaxshi to‘purari hisoblanadi. U Premyer-liganing 21 uchrashuvida 10 ta gol va 6 ta golli uzatmani amalga oshirgan.

"Men Palmer maydonda muntazam o‘yin ko‘rsatishini bilardim. Men uning mahoratiga shubha qilmasdim. Bu yulduz futbolchi. Unga o‘yin amaliyoti kerak edi. U o‘zining aql bovar qilmaydigan fazilatlarini ko‘rsatishi faqat vaqt masalasi edi.

Koul Palmer - ajoyib futbolchi va ajoyib yigit. Albatta, unga "Chelsi"da eng yaxshi tilaklarimni tilayman", - dedi Gvardiola matbuot anjumanida.