Айни пайтда ғузорликлар янги мавсумга тайёргарликни Тошкентда олиб боришмоқда. Жамоамиз шу кунгача тўртта назорат баҳсида майдонга тушди. «Навбаҳор» ва «Қизилқум» билан кечган баҳсларда ҳисоб очилмаган бўлса, «Динамо» (4:0) ва «Шахтёр» ўринбосарлари (3:0) йирик ҳисобларда мағлубиятга учратилди.

Янгилик сифатида шуни айтишимиз мумкин, ҳозир «Шўртан» сафида 17 ёшли футболчи кўрикдан ўтмоқда. Абдуалимов Хумоюн ҳозирча учта ўйинда тўп суриб, ўзидан ёмон таассурот қолдирмади. Майдон марказида ҳаракат қилаётган ушбу футболчининг ҳаракатлари жамоамиз устози Эдгар Гессга ҳам маъқул келмоқда.

Хумоюн билан гаплашганимизда унга «Шўртан» клуби ёққанини ҳамда Ғузорга боришга тайёрлигини айтиб ўтди. Ўзининг айтишича, ўтган мавсумни иккинчи лигада ўтказган ва ярим ҳимоячи бу йилдан «Шўртан» либосини кийишга тайёр.