"Челси" бош мураббийи Маурисио Почеттино ярим ҳимоячи Чезаре Казадеини "Лестер"даги ижарасидан чақириб олиш қарорини тушунтирди.
21 ёшли футболчи мавсумнинг биринчи ярмини “тулкилар” сафида ўтказди ва жамоа сафида 25 та ўйинда майдонга тушиб, 3 та гол ва 2 та голли узатмани амалга оширди. Январь ойида лондонликлар италияликни муддатидан аввал ўз сафларига қайтаришга қарор қилишди.
"Бу қийин қарор эди, чунки биз ривожланиш жараёнини тўхтатишни хоҳламадик. Бироқ, Ромео Лавиа ва Лесли Угочуквунинг жароҳатларини инобатга олиб, бизга бошқа ярим ҳимоячи керак эди. Бизнинг ихтиёримизда фақат Энцо Фернандес, Моисес Кайседо ва Конор Галлахер бор эди. Биз бу қарорни Чезаре билан бирга қабул қилдик”, деди Почеттино.
