"Манчестер Юнайтед" дарвозабони Алтай Байиндир фаолиятини Туркия Суперлигасида давом эттириши мумкин. Бу ҳақда Goal.com портали хабар бермоқда.
Манбага кўра, дарвозабон хизматларига Истанбулнинг "Галатасарой" клуби қизиқиш билдирмоқда. Туркия гранди ёзги трансфер ойнасида Байиндирнинг трансферини расмийлаштирмоқчи.
Эслатиб ўтамиз, Алтай ўтган ёзда "қизил иблислар" футболчисига айланганди. Унинг трансфери "манкунианликлар"га 5 миллион еврога тушди.
2023/2024 йилги мавсумда дарвозабон фақат битта ўйин ўтказди. АПЛнинг 24-туридан сўнг “Манчестер Юнайтед” 41 очко билан турнир жадвалида олтинчи ўринда бормоқда.
