Бразилия терма жамоаси собиқ футболчиси Дани Алвес айни пайтда қамоқхонада сақланмоқда ва у зўрлаш айблови бўйича суд қарорини кутмоқда.

Суд жараёни шу йилнинг 5-7 февраль кунлари бўлиб ўтди ва прокурор футболчи учн 9 йил қамоқ жазосини сўради.

"Marca" нашри тарқатган хабарга кўра, Алвес қамоқ жазосидан қутулиш мақсадида Бразилияга қочиб кетмоқчи бўлган. Алвес бу ишни суд қарори эълон қилингунга қадар гаров эвазига озодликка чиқарилган пайтда амалга оширмоқчи бўлган. Аммо суд футболчининг бундай талабига 3 марта рад жавобини берди. Бу ҳақда Алвес билан бир камерада ўтирган инсон билан гаплашган журналист Сильвия Саламо хабар тарқатди.

Испания ва Бразилия ўртасида жиноятчиларни экстрадиция қилиш ҳақида келишув мавжуд эмас. Шунинг учун Дани қамоқдан қутулиб, Бразилияда қолмоқчи бўлган.