"Барселона"нинг марказий ҳимоячиси Рональд Араухо ҳимоячилар орасида ўзининг асосий кумирларини айтди. Уругвайлик футболчи фаолиятини якунлаган 3 нафар афсона номини айтиб ўтди.
“Марказий ҳимоячилар орасида кумирлар борми? Менда улар жуда кўп. Мен Карлес Пуйоль, Рио Фердинанд, Жерар Пикени айтишим мумкин. Ҳозирги футболчилар орасида Виржил ван Дейк ҳам бор", - дея Араухо сўзларини келтиради Barca Universal.
Уругвайлик футболчи аввалроқ Жерар Пике билан "Барселона"да бирга ўйнаган. Испаниялик ҳимоячи 2022 йилнинг ноябрида профессионал фаолиятини якунлашини эълон қилган эди.