Ҳаммаси келаётган ёзда Килиан Мбаппенинг "Реал" футболчисига айланишига қараб кетмоқда.
Goal порталининг хабар беришича, франциялик ҳужумчи "Реал" сафида "ПСЖ"да ўйнаётган 7-рақамни қўлга киритиш истагини билдирмайди. Килиан афсонавий "еттинчи рақам"ни фақат Винисиус тарк этса ёки бразилиялик ўз рақамини ўзгартирмоқчи бўлсагина олиши мумкин.
Катта эҳтимол билан Мбаппе "Реал"да 10-рақамни эгаллайди. 10-рақам балки ёзда бўшайди, чунки Лука Модрич Мадрид гранди билан шартномасини узайтириши даргумон. Айтиш жоизки, Мбаппе айни дамда Франция терма жамоасида ўнинчи рақамда ўйнайди.
