Стефано Пиоли А Серияда "Монца"дан учралган мағлубиятга (2:4) баҳо берди.
52-дақиқадан бошлаб "Милан" Лука Йовичнинг майдондан четлатилгани туфайли ўн киши билан ўйнади.
"Биз уч очко йўқотадиган хатоларга йўл қўйдик. Тўртта гол ўтказиб юборганингизда, биринчи ярим соатда яхши ўйнадик, дейиш ноўрин кўринади, лекин бу ҳақиқат.
Албатта, биздан ўнтагина қолганимиздан кейин бу биз учун янада қийинлашди. Ҳисобни тенглаштирганимиздан сўнг (2:2) хотиржамроқ ўйнашимиз ва яхшироқ ҳимояланишимиз керак эди. Аммо ўша пайтда жамоа ўзини ишончли ҳис қилди ва ғалабани тортиб олишни хоҳлади. Бугун хатолар жуда кўп бўлди", - деди "Милан" бош мураббийи.
