Stefano Pioli A Seriyada "Monsa"dan uchralgan mag‘lubiyatga (2:4) baho berdi.
52-daqiqadan boshlab "Milan" Luka Yovichning maydondan chetlatilgani tufayli o‘n kishi bilan o‘ynadi.
"Biz uch ochko yo‘qotadigan xatolarga yo‘l qo‘ydik. To‘rtta gol o‘tkazib yuborganingizda, birinchi yarim soatda yaxshi o‘ynadik, deyish noo‘rin ko‘rinadi, lekin bu haqiqat.
Albatta, bizdan o‘ntagina qolganimizdan keyin bu biz uchun yanada qiyinlashdi. Hisobni tenglashtirganimizdan so‘ng (2:2) xotirjamroq o‘ynashimiz va yaxshiroq himoyalanishimiz kerak edi. Ammo o‘sha paytda jamoa o‘zini ishonchli his qildi va g‘alabani tortib olishni xohladi. Bugun xatolar juda ko‘p bo‘ldi", - dedi "Milan" bosh murabbiyi.
