“Барселона”нинг кейинги мавсумдаги асосий мақсадларидан бири Чемпионлар лигасига йўлланмани қўлга киритиш. Бу нафақат спорт, балки молиявий томондан ҳам муҳим - "кўк-анорранглилар" нинг иқтисодий аҳволи ҳали ҳам ёмон.
Вазиятдан келиб чиққан ҳолда, Деку бошчилигидаги "Барса" спорт бўлими эҳтимолий трансферлар устида ишламоқда. Todofichajes хабарига кўра, Каталония клубини тарк этишга биринчи рақамли номзод вингер Рафинья ҳисобланади. Умидларни оқлай олмаган бразилиялик Англияга қайтиши мумкин.
"Барселона" Рафиньяни 80 миллион еврога сотишга умид қилмоқда, бироқ АПЛ вакиллари, манбага кўра, 27 ёшли футболчи учун 60 миллиондан ортиқ пул таклиф қилишмайди.
