Мюнхеннинг "Бавария" клуби собиқ футболчиси Хаби Алонсони бош мураббий этиб тайинлашни орзу қилмоқда. The Athletic хабарига кўра, испаниялик мутахассис "қизил машина" бошқарувига устувор номзод ҳисобланади.
"Бавария" Германия терма жамоаси мураббийи сифатида муваффақиятсизликка учраган Ханс-Дитер Фликнинг номзодига шубҳа қилмоқда. Амалдаги бош мураббий Томас Тухелга келсак, немис келаси мавсумда клубда қолиши даргумон.
Алонсо бошчилигида "Байер" айни дамда Бундеслига турнир жадвалида "Бавария"дан 8 очкога фарқ билан пешқадамлик қилмоқда. Леверкузен клуби ўз тарихида ҳеч қачон Германия чемпионлигини қўлга киритмаган.
