Каталониянинг "Барселона" клуби "Наполи" вингери Хвича Кварацхелияни ўз сафига қўшиб олмоқчи.

BarcaTimes ижтимоий тармоқларда хабар беришича, клуб ёзги трансфер ойнасида трансферни амалга оширишни режалаштирган. "Барселона" раҳбарияти футболчини 90-100 миллион евро эвазига сотиб олиш мумкин деб ҳисоблайди.

Жорий мавсумда Кварацхелия барча турнирларда 31 та ўйин ўтказиб, 6 та гол ва 5 та голли узатмага муаллифлик қилган. Transfermarkt интернет порталига кўра, футболчининг тахминий нархи 80 миллион еврони ташкил этади. Кварацхелиянинг неаполликлар билан амалдаги меҳнат шартномаси 2027 йилнинг июнига қадар амал қилади.